Tur til Kirkjubøur.

Dette blir siste innlegget frå turen til Færøyane  sommaren 2017.

Det vart ein spesiell tur som eg aldri vil gløyme.

Naturen, øyane og livet der var på ein måte gjennkjennbart

for meg som er oppvaksen på ei Sunnmørsøy.

Men likevel, så veldig annleis.

Kirkjubøur ligg berre 1,5 mil frå Torshavn,

og turen dit går gjennom frodig landskap med havutsikt.

Mærene viser at fiskeoppdrett er ein viktig

næringsveg på Færøyane i dag.

Bygda vert rekna som den viktigaste historiske staden 

på Færøyane, for i middelalderen var Kirkjubøur 

det religiøse og kulturelle sentrum på øyane.

Der var ein stor katedral, Magnuskatedralen, 

og biskopen budde der.

I dag ligg katedralen der som ein ruin,

utan tårn, tak eller vindu,

berre tjukke murveggar er tilbake.

Olavskyrkja frå 1100 talet 
er framleis i bruk, og ho

er ei av dei eldste kyrkjene på Færøyane, 

Her ser vi Johannes Patursson,

som er dagens kongsbonde,

og den 17. i rekkja av kongsbønder

frå  Patursson familien.

Røykstova er den eldste delen av Kongsgarden,

og kan daterast tilbake til det 11. århundrede.

Det er derfor det eldste bebudde huset i Europa.

Huset stammar frå Sognefjorden i Norge,

det blei demontert og sett oppatt på eit steinfundament

med opptil 2 meter tjukke murar.

Legenda seier at den norske kong Sverre 

vart fødd på Kirkjubøur etter at mor hans, Gunnhild,

måtte flykte frå Norge.

Ho arbeidde på garden til biskopen, 

og gøymde barnet i ei grotte i fjellsida.

Vi hadde ei interessant omvisning i kongsgarden,

og kongsbonden Johannes var ein glimrande 

historieforteljar.

Og så avsluttar eg besøket på Kongsgarden 

med ei lita kongsdotter

på full fart inn i framtida.

Den vakre naturen følgde oss tilbake

til flyplassen og heimreisa.

Denne hausten har eg mange gongar 

tenkt tilbake og gledd meg over sommarturen 

til Færøyane.

No når det nærmar seg jul, passar 

det godt å avslutte med eit bilde av gjess 

som gjekk fritt overalt på øyane.

Dei er nemlig julematen til

Færøyværingane!

Ferjetur til Nolsoy.

Nolsoy ligg berre ein 20- minutts ferjetur frå Toshavn.

Tidlegare var det stor lokal båttrafikk til og frå 

den færøyiske hovudstaden,

men no har det kome bruer og tunellar mellom fleire av øyane.

Biltrafikken har teke over,

og frå sentrum av Torshavn går det berre båt

til øyane Sudur og Nolsoy.

Nolsoy ligg svært nær Torshavn,

men er svært forskjelleg frå hovudstaden.

Det følest som å kome tilbake til ei anna tid der vi

ruslar rundt blant fargerike trehus.

Øya har berre ein butikk med postkontor,

og ein turistinformasjon nede ved havna.

På vandringa vår besøkte vi øyas eldste hus,

der det var laga til eit lite spesielt museum.
Historia om Lovisa gjorde inntrykk på meg,
og vi såg kammerset der ho hadde budd og nokre av tinga hennar.

Dette var ein vanleg sommardag på Nolsoy,

og landskapet var vakkert, sjølv om det var kaldt og surt.

Guten på stranda var ein liten kontrast til det badelivet 

våre barn er vande med i juli.

Så tok vi Ternan tilbake til Torshavn

etter ein fin tur til Nolsoy.

Det var kjekt å snakke med folk på ferga.

Dama som sit og strikkar fortalde at faren hennar 

kom frå Lillehammer.

Tilbake i Torshavn følte vi at vi hadde besøkt 

ein unik stad der livet var 

annleis enn i Torshavn.

Torshavn.

Torshavn, eller havn som færøyingane seier,

er ein av dei minste hovudstadane i verda.

Det er 12 000 innbyggjarar i byen,

og 20 000 i kommunen.

Torshavn har fått namnet sitt etter 

den nordiske krigsguden Tor,

Byen si historie går tilbake til 800 - 900 talet,

den gongen var byen berre ei hamn med 

tingstad på Tinganes.

I bydelen Tinganes er gatene smale, 

og husa små med tradisjonelle grastak

og kvite småruta vindu.

Gongin fører ned til Tinganes der kanskje 

eit av verdas eldste parlament kom saman 

allereide for 1900 år sidan.

I dag er Tinganes ein levande bydel, 

og Torshavn er ein velståande by med moderne utsjånad.

Her er skular, universitet, kulturliv og manga restautantar.

Torshavn har dei siste åra utvikla seg 

til ein konsentrert miniversjon av ein moderne by.

Katedralen, Havnar kirkja, dannar eit skille 

mellom det gamle og det nye.

Eit av dei beste stroka i byen er hamneområdet 

med moderne kafear, restaurantar og pubar.

Her finn vi også butikkar med designarklede og galleri av ymse slag.

Færøyiske strikkeplagg er kjende rundt om i verda.

Dei har fine fargar og mønster, og det beste utvalget

finnst i hovudstaden.

Når du går rundt i Torshavn vil du oppdage

menge flotte moderne skulpturar og kunstverk.

Spesielle og vakre.

Eit besøk til Torshavn er absolutt å anbefale.

Den siste smakebiten eg vil ta med her,

er Nordens Hus .  Det er vakkert og spesielt

både utanpå og inni.