Siste dag i Marokko.
 |
| Argantre. |
Siste dagen køyrde vi forbi mange Argantre, som er eit treslag som veks berre i den sørvestlege delen av Marokko. Argantreet er eit av dei eldste treslaga i verda, og har lenge vore utryddingstrua. Arganskogen blei derfor sett på UNESCOS liste for verneverdige område i 1998. Trea kan bli opptil 10 meter høge, og kan bli 150 - 200 år gamle.
 |
| kvinnene pressar ut arganolje. |
Kong Hassan 2. starta mange kvinnekooperativ i Marokko, for å gi arbeid til enkjer og fråskilde kvinner. Siste dagen besøkte vi eit slikt kooperativ, som laga forskjellege produkt av arganolje.
Det var berre kvinner som jobba der, og dei tente nok pengar til å sende døtrene sine på skule.
No hjelpte døtrene til som guidar og salsmedarbeidarar i kvinnekooperativet.
 |
| Her blir dei ferdige produkta presentert. |
Så var ferien i Marokko over. Eg vil for alltid ha bilete frå dette fargerike og eksotiske landet på netthinna. Og eg kan på det varmaste anbefale å reise på rundtur i Marokko, som iallfall foreløpig er eit trygt land å reise rundt i.
 |
| Farvel til fargerike Marokko... |
Så kjekke tur du har vore på Anne Lise. Mange flotte bilder fra flere plasser. Fikk skikkelig lyst å reise til Marokko selv, så dette var gøy å se.
SvarSlett