Vinter og snøblogg.

Vinteren er skiftande her i nordvest.

Men plutseleg, midt i januar,

begynte snøen å lave ned.

Landskapet og naturen endra seg

frå å vere grått og livlaust,

til å bli eit vakkert kvitt snølandskap.

For å vise korleis det såg ut den 17., 18., 19. og 20 januar,

vil eg legge ut nokre snøbilde frå Sandsøya og Volda.

Dette er bilde frå Sandsøya.

Seljebakken 10 i vinterdrakt.

Hus i Volda under kveldshimmel

og månelys.

Men klimaet skifter fort her på Sunnmøre.

No, ei veke etterpå, er vi back to normal igjen.

Og i dag, søndag 24. januar, har vi regn og mange varmegrader 

på Sandsøya.

I dag var det fint og snøfritt

å gå tur på moloen.

Men månen er den same gamle,

sjølv om landskapet og naturen

endrar seg.

Nytt år og nye muligheiter.

Vi har begynt på januar 2016,

og det er på tide å seie godt nyttår 

til dokke som les bloggen min.

Først og fremst føler eg meg takknemmeleg

for at eg får vere med i livet, og ta fatt på 

kvardagane som ligg framføre meg.

Kvardagar som er heilt alminnelege, 

er på mange måtar dei beste.

Etterkvart som eg blir eldre,

føler eg at dagane er dyrebare,

og dei flyg så altfor fort avstad.

Som Knut Hamsun sa:

"Ikke visste jeg at dagene som kom og gikk var selve livet."

Eg har lagt meg desse orda på minne,

og prøver å fylle dagane med ting som er viktige 

både for meg sjølv og andre.

Eg skal kome tilbake til nokre av tinga som engasjerer meg

i bloggen min framover.

No er det eit år sidan eg starta Regnbogebloggen min,

og eg synest det er kjekt å halde på med den. 

Eg har lyst til å utvikle den vidare, 

og gjere den litt meir proff.

Kanskje får eg det til i løpet av dette året?

" Gode venner må man ha. Det gjer livet veldig bra."

Vennskap og sosiale relasjonar er viktig å ta vare på.

Det skal eg gjere mitt beste for å leve opp til dette året.

I dag er det søndag 10. januar, og dette har vore ein god dag.

Vi har vore på helgatur til favorittøya mi,

der er det alltid kjekt å vere.

Høgdepunktet i dag var å få vere tilstades 

på Nyttårssong  i gamle Sande kyrkje.

Det var ei flott kulturell oppleving, og den aller beste start 

på Sandsøyåret 2016.